أمّا إنه احنا جد شعوب مثقّفة…
كتبهامحمد يوسف ، في 16 تشرين الأول 2007 الساعة: 17:23 م
على إذاعة أمن FM , قدّم احد المثقفين هذه الملاحظة اليوم:
المتصّل: لو سمحت, عندي ملاحظة مش قادر اسكت عنها
المذيع: تفضل ياخوي…
المتّصل:أنا نزلت على العقبة قبل يومين بالعيد. العلم الموجود أول ما تفوت على العقبة على شمالك… يا خوي كنهم ناسيين يحطوا النجمة؟؟؟ شوفهم ياخوي
المذيع (ممغوصا): طب ما لاحظت إنه الألوان مشقلبة برضو؟؟
المتصل: هه؟
المذيع: يا أخي هذا علم الثورة العربية الكبرى. ما كان فيه نجمة و الالوان كان مكانها غير يا أستاذي…
المتصل: آآآه.. هيك يعني القصة. طب الله يعطيكوا العافية…
و على قولة هالواحد: قالوا لي إضحك… ها أنا أضحك من شر البلية!
ـــــــــــــــــــــــــــــــــــــــــــــــــــــــــ
التصنيفات : إعلام, بقلم كهربائي | السمات:إعلام, بقلم كهربائي
أرسل الإدراج | دوّن الإدراج
أكتوبر 17th, 2007 at 17 أكتوبر 2007 3:36 م
واو.. عادي يا محمد .. إللي بحضر رمضان معنا أحلى بكتشف مدى الإنعدام الثقافي عنا..
نوفمبر 18th, 2007 at 18 نوفمبر 2007 2:40 م
منيح ما طلب محمد الوكيل إزالته من مكانه أثناه جولاته الميدانية لتفقده العلم الأردني على المؤسسات الرسمية!
بعرف أنو تعليقي ليس له علاقة -مباشرة- بالموضوع… بس كنت أتمنى أنو يهتم أيضا بكرامة المراجعين الممزقة والمبهدلة وليس فقط بالأعلام الموضوعة على المباني الحكومية!
نوفمبر 19th, 2007 at 19 نوفمبر 2007 10:12 م
أولا شكرا على مرورك يا أخوي الكبير
برنامج بصراحة مع الوكيل هو برنامج أكثر من تافه. لله الحمد برسّخ قناعة إنه حتى ماسورة المي بدها واسطة في البلد. و طبعا غير الحكي عن تمشاية مواضيع همه بس بدهم يحكوا عنها و بصيغة همه بختاروها…
شكرا على المرور… أفتخر بذلك